Rover BE-G tannhjóladrifnar dælur

Rover tannhjóladælur hafa soggetu allt að 2 metra án þess að vera fylltar.  Umfram fall í soghæð má fyrirbyggja með því að setja einstefnuloka á sogslönguna og verður þá að fylla hana eins og sjálfa dæluna fyrir gangsetningu.  Til að auka soggetu dælunnar er gott að setja um 10 ml. af vökvanum sem á að dæla í dæluna fyrir gangsetningu.  Þá er mikilvægt að hafa fjarlægð á milli dælu og þess sem á að dæla sem stysta.

Rover BE-G dælurnar má keyra stöðugt við 2 BAR þrýsting.

Dælan getur eyðilagst ef hún gengur þurr í meira en 10 sekúndur. 

Tryggið að slöngur séu tryggilega festar með hosuklemmu.  Ávallt skal nota sogsíu á inntaksslöngu.

Notkun:  Vatn, vín, ólífuolía, mjólk, dísel, jarðefna- og synþetískar olíur með seigju á milli 1° Engler og 7° Engler við 40° hita.  (SAE 30 motorolía eða SAE 80 gírolía).

Hægt er að sérpanta fleiri stærðir og gerðir af Rover BE-G dælum.  Vinsamlega leitið upplýsinga hjá sölumönnum Landvéla.